afsos kise hota jab chatakati hai sukhi lakariya,
kuch sathi to thithoor rahe hai baahar aur hum jalaa rahe hain agitiyaa,
aag ko dhalati sanse dekar dusaro ko to khush kar diya,
par banaa ke dhuaa apane ashuo ka dheere se upar ura diya,
kuch daaliya to angiti kinaare baithi, aur kuch ko aag ne koyalaa banaa diya,
thithoorate pero ka khyaal bhi kuch or hai,
kahate hai ki insaano me hume apane hatho ka baratan banaa liya,
mujhe parwaah nahi akarti daalo ki, main darataa hu nanhi kopalo ke liye,
daal to kaat ke le gaye the do din pahale,
par nanhi kopalo ne us ghaav pe maraham lagaa diyaa.
patiyo ka ghauranda aur libaas kafi nahi hai in sardiyo me,
is soch se, parindo ke do joro ne mera puraanaa makaan khaali kar diya,
bahut yakin tha apani neeli chhat par hume,
kal ki larayai me, kohare ne use apaanaa kaidi banaa liya,
door hu main us per se, jisake sang maine apanaa bachapan bitayaa
bit gaye din aur awaraa patiyo me likh kar koi sandesh na aayaa,
main gushuda rahaa chamakti dhoom me aur kati lakariyo ke sang
par meri maut ki khabar urati raakh ne mere mauhalle tak pahuchaa diya...

ye duniyaa..

waqt ka murid hai duniya,
hai tu upar to hogi tere pichhe duniya,
jo naya kaam karega tu kabhi,
duniya nikalegi tujhame sau kamiya,
baniya ka khota aagan hai, ye duniya,
bikati hai har cheez yahaa,kharid lo jo hai kharidanaa
hazaro graahak legenge tera hunar chhaane ke baad,
jo na chhaye tera hunar kabhi,
thookengi tujh par purani galiyaa,
duniya ko chaak pe rakh kar, ghoomate rah din bhar,
lootte rah tu isko,ban ke chhaliya,
tera dard na koi dekhane wala yahaa,
hai sabhi gumzadaa yahaa, khuda ke fazl se,
tu uthate ja gum aur bhi, kamate ja khooshiyaa.
holi me pataakhe aur diwali me chalaa tu rango ki goliya,
zindagi fareb hai bari ,tor de pairo ki beriyaa..

raat.....

dhalati raat sametati hai kitane gum,
kisi ko aashoo to kisi ko roti kam,
din bhar bhir me goom rahane ki aadat hai hume,
par raat laati hai dheere se seene pe kafan,
ghise badan ka dard liye roti hai jab sarak,
ashoo usake daurate pahiye kar dete hain dafan,
thak kar choor ho gayi hawaa,leti hai saans kinaare baith kar,
aur sochati hai kyu ho rha hai mera daman?
jo chikhati awwaz aaye to,rat bhi sihar jati hai,
jaan jati hai ki kisi aurat ka ho rha hai gaban,
sanaataa pairo ko aise failaa ke sota hai,
awaaz bhi kaapati hai baahar aane me hardum,
jis jhopari me jal rha hoga diya,
yakinan, dekhate honge chand ko roti saa harpal,
khaali baratan jhagarte hai jhootan ke liye,
bhook se inki bhi to tutati hogi gardan,
dhalti raat pahanti hai yaado ki kardhan,
gaur se dekho jo kabhi,boondo ki ankhe bhi hoti hai halki see num.
parinda jo na lauta ghar raat ko kabhi,
gharaude tak taki baandhe dekhate hai ugata suraj madham.

almaari

Band pari almaari kyu koi kholata nahi?
hazaro chabhiya feki hai, unhe koi kyu aazmaataa nahi?
chaar daraaz hai almaari ke andar,
ek me kapare aur do hai andhero ke samadar,
bachaa ek se koi kyu khush hota nahi?
taale dekh kar hausalaa band par jaye,
use koi jagataa kyu nahi?
kaath ki hai almaari deemak to lagenge,
halke halke lakari ko buradaa karenge.
piche ka ek hissa kharaab hai,
use koi theek karwataa kyu nahi?
ek darwazaa halka jaam hai,dusaraa chilaataa khule-e-aam hai,
isare uske koi samajhataa kyu nahi?
andhare se raushani me almaari ko koi lata kyu nahi?
ek baar kandhe se utha to sahi, mahsoos kar iska vazan tu kabhi?
jo khole to baaye taraf shisha payega, teri banawati shaksiyat ka haal sunayega,
darataa hai tu isi baat se, fir mar rhi almaari ko bech deta kyu nahi?
ya fir daal ke aag me,ise galaa deta kyu nahi.?

kaise batau tujhase amma...

kaali raat le aati hai purani baat, amma

kaisi ye uljhan hai, dar lagata hai, amma,

shaam nigori jaldi dhale,suraj bhi kaamchori kare

de dete hain izajat ise, kaali raat inki jaise maasi lage.

sau kismo ki awaaz guje, lagataa jaise mujhko koi khiche

sanse bhi ho jati hai dafan, yu lage raat hogi na khatm, 

kaali raat le aati hai purani baat, amma

tu na ho to, sitaro wali churail khaa jaye mujhe, amma

paayal pahan ke koi daurata hai, andhere me jaise koi bachchaa rota hai,

peet pe mere anguliyo se nishaan koi kartaa hai,

kali raat le jati hai, mujhase hasi ,amma, 

dar lagata hai, kitanaa, kaise batau amma.

kaise batau tujhse apanaa haal,amma

saawan yaad laayaa hai...

man to tere jaane par hi bhig gayaa tha,
tan aaj bhigaa hai.
gile balo ki khushaboo, yaado me aaj bhi taza hain,
khirkiyo pe naachati bundo ki aahat,sun kar jhoom uthta jo pardaa,
dhobi se aaj mangaa hai.
chori karataa tha jo dhoop tere badan se,
us kamiz ko saawan ne bhigoyaa hai.
chirataa tha tujhase aagan ka sheesha bhi,
use bhi ab tere jaane ka thora gum hai.
nazar na lag jaye dusaro ki, isliye teri yado ka kaajal lagayaa hai.
barish ho jaati hai jab bhar aate hain baadalo ki aankhe,
aur hazaro boonde yado ki, ro ro kar zameen par girataa hai.
sukh rahe jo beej yado ke kisi biraane me, pani de ke unko zinda karata hai..
ye saawan yaad laayaa hai,
ye saawan ankho me pani layaa hai..

kidhar hai khooda

                                      first act
Parinda-e-dil uraa us chhor, jiska zikr nhi kisi or.
band aankhe andhero me sawaal karti hai, tu hai yahi ,ya fir tu hai bhram ki dor.
aadatan zabaa pe aa jataa hai tera nam,
par tu to hai koi jangul ka mor.
sawan me kab tu nachaa, kisne dekha?
par teri kitaabe machaati hai tera hi shor.
uta loo salib, ki kuroochhetra jau? bata de naseeb, us or jau,
dil me rahnaa hi agar munasib hai tujhe,tu hi bata khuda kise bulau?
                                  second act
jake kah doo ki ye tu nhi,safed kaagajo waali arzoo hain,
bharosa hai jis pe, use khood bharosa nhi apane aap pe,
patharo me rah kar, khood ko masihaa bulata hai,
kyo batataa nhi duniya se, ki tu  kanjor hai.
                                      third act
nishaan-e-khooda to khaaksaar ho gayaa,
insaan ko insaan ka katil banaa gayaa
koi pashchim ko jhookata, to koi dachhir se darataa
duniya ko fazal-e-khooda ne zahnnum banaa diya,
na jane kab rang layega murado ka mol,
bik gayi saari duniya tamnnao ke khatir,
khooshi me falak pe, baadal bajaate hai dhol,
kahaa dhalata hai asamaa? khooda rahataa kis or?